ഇത്തവണത്തെ സീരീസ് എക്സാമിനെങ്കിലും നല്ലോണം പടിക്കണമെന്നുള്ളത് എന്‍റെ ഒരു ആഗ്രഹമായിരുന്നു.. എന്‍ജിനിയറിങ് ജീവിതത്തില്‍ ആകെ ബാക്കിയുള്ളത് 3 സീരീസുകള്‍ മാത്രം..ദിവസത്തില്‍ രണ്ടു പരീക്ഷകള്‍ ഉണ്ടാവും എന്നുള്ളത് കൊണ്ട് രണ്ടിലും ജയിക്കാം എന്ന ആ ആഗ്രഹം ഞാന്‍ എട്ടായി മടക്കി കീശയിലിട്ടു.ഒന്നെങ്കിലൊന്ന്...ജയിക്കണം. ആദ്യത്തെ രണ്ടു പരീക്ഷകളും ടിപ്പിക്കല്‍ എന്‍ജിനിയറിങ് ഭാഷയില്‍ പറഞ്ഞാല്‍ ഊമ്പി..അടുത്ത പരീക്ഷ ഏത്? ആലോചിച്ചു..പഠിച്ച വിഷയവും കുടിച്ച കള്ളിന്‍റെ ബ്രാണ്ടും മറക്കരുതെന്നുള്ള പുതിയ നിയമത്തിലെ മത്തായിയുടെ ചൊല്ല് ഞാന്‍ മറന്നു..
എങ്ങനെയൊക്കെയോ പിറ്റേന്നത്തെ പരീക്ഷയുടെ ഫോട്ടോസ്റ്റാറ്റ് ഒപ്പിച്ചു ഞാന്‍ വീട്ടിലേക്ക് യാത്രയായി..വീടിലെത്തി കുളിച്ച് ഐശ്വര്യമായി കിട്ടിയ ഫോട്ടോസ്റ്റാറ്റ് തുറന്നു..വെല്‍ഡണ്‍ മൈ ബോയ്.. മുണ്ടിക്കല്‍താഴത്തെ തട്ടുകടയിലെ ബോണ്ട കയ്യിലെടുത്ത പ്രതീതി..ഫോട്ടോസ്റ്റാടിന്റെ ചൂടപ്പോഴും വിട്ടിരുന്നില്ല.. സിലബസ് എടുത്തു മറിച്ചു..കണ്ടതൊക്കെ മാര്‍ക്ക് ചെയ്തു കഴിഞ്ഞപ്പോഴേക്കും ഫോട്ടോസ്റ്റാറ്റ് ബിങ്ങോ കളിച്ച നോട്ട്ബുക്ക് പോലെ മഷിയില്‍ കുളിച്ചിരുന്നു.ഇനി നാളെ രാവിലെ പഠിക്കാം..ബുക്കും കോപ്പും മടക്കി ഞാന്‍ എഴുന്നേറ്റു..
രാവിലെ 5 മണി. ഞാന്‍ എഴുന്നേറ്റു. കണ്ണു രണ്ടും തിരുമ്മി ഫോട്ടോസ്റ്റാറ്റ് കയ്യിലെടുത്തു.കൂട്ടക്ഷരമായത് കൊണ്ടാവാം കണ്ണു പിടിക്കുന്നില്ല.മങ്ങിയ കാഴ്ചകള്‍ കണ്ടു മടുത്തു...കണ്ണടകള്‍ വേണം.. അടുത്ത പരീക്ഷക്ക് പഠിക്കാം.ബുക്ക് വലിച്ചെറിഞ്ഞു മൊബൈലെടുത്തു. എല്ലാര്‍ക്കും ഓരോ മെസേജ് പോട്ടെ.. "ഗുഡ് മോര്‍ണിംഗ്.."
രാവിലെ തന്നെ കെ.എസ്.ആര്‍.ടി.സി പിടിച്ചു കോളേജിലെത്തി. ക്ലാസ്സിലെത്തിയപ്പോള്‍:: : :
"ആരാ ഈ വരുന്നത്? രാവിലെ 5 മണിക്കൊക്കെ എണീറ്റ് പടിക്കുന്നവന്‍..,.. പടിച്ച് മടുത്തപ്പോ മെസേജ് അയച്ചിരിക്കുന്നു..ഫൂ.."
"അളിയാ അക്ച്ചുവലി എനിക്കു ഉറക്കത്തില്‍ മെസേജ് അയക്കുന്ന രോഗമുണ്ട്.. സോമനാംബുലിസം.."
"ഒന്ന്‍ പോ ചെക്കാ.."
എന്നതായാലും പരീക്ഷ പതിവ് പോലെ ഒമ്പതരക്ക് തുടങ്ങി.ഞാനും തുടങ്ങി..ഉറക്കം. ആരോ പരീക്ഷ ഹാള്‍ വിട്ടിറങ്ങുംബോള് തട്ടി വിളിച്ചപ്പോള്‍ ഞാനും ഇറങ്ങി. കാന്‍റ്റീന്‍ഇല്‍ പോയി ഒരു ലൈമും പഫ്ഫ്സുമ് അകത്താക്കി നേരെ വിട്ടു. അടുത്ത പരീക്ഷ ഏത്?
പവര്‍ പ്ലാന്‍റ് എന്‍ജിനിയറിങ്.. ഓഹ് നമ്മ എക്സാമ് താനാ? പൊളിച്ചെഴുതണം..
പരീക്ഷ വീണ്ടും പതിവ് പോലെ തുടങ്ങി.ഞാനും തുടങ്ങി ... ഉറക്കമല്ല.. എഴുത്ത് തന്നെ.രണ്ടു മാര്‍ക്കിന്റെ ക്വസ്റ്റിയന്‍സ് ഒന്നും നോക്കിയില്ല..നേരെ പത്തിന്‍റെ സെക്ഷനിലേക്ക് വിട്ടു.
ഡിഫൈന്‍ ബോയിലര്‍ ഡ്രാട്ട്?
എവേടെയോ കേട്ടു മറന്ന പദം. ക്ലാസ്സിലെ കളികളിക്കിടയില്‍ ഒരു ചെവിയില്‍ കൂടെ കേട്ടു മറു ചെവിയില്‍ കൂടെ ഇറങ്ങി പോയ ബോയിലര്‍ ഡ്രാട്ട്..തുടക്കം കിട്ടി. കീച്ചി എഴുതി.പകുതിയെത്തിയപ്പോള്‍ നിന്നു. ഓര്‍ത്ത് നോക്കി.. ഇല്ല കിട്ടുന്നില്ല.. അവസാനത്തെ ഭാഗം ഓര്‍മയുണ്ട്.. ഇനിയെന്ത് ചെയ്യും..?അങ്ങനെ ഡെസ്പ്പായി ഇരിക്കുംബോളാണ് പരീക്ഷ ഹാളിലെ സാരിന്റെ കഷണ്ടി തല കണ്ടത്.. ഫഹദ് ഫാസിലിന്റെ അതേ തല... വാട്ട് ആന്‍ ഐഡിയ സിര്‍ജി..ഡയമണ്ട് നെക്ലെസ്!! എഴുത്ത് തുടങ്ങി..
ബോയിലര്‍ ഓപ്പറേഷന്‍ രേക്വയസ് അറ്റ്മോസ്റ്റ് സേഫ്റ്റി. ബോയിലര്‍ എഫിഷിയെന്‍സി ഇസ് ഡിഫൈനേട് ആസ് ഥ റേഷിയോ ഓഫ് യുടിലൈസേഷന്‍ ഓഫ് ഹീറ്റ് റിക്വയേഡ് ഫോര്‍ പ്രൊഡ്യൂസിങ് സ്റ്റീം ടു ഥ ഹീറ്റ് സപ്പ്ലയിട് ബൈ ഥ ഫ്യൂയല്‍.. , മോളുടെ പേരില്‍ ധനലക്ഷ്മി ബാങ്കില്‍ ഇരുപത്തി അയ്യായിരം രൂപയുടെ എഫ്.ഡി തികച്ചുമുണ്ട്. പിന്നെ ആ കാര്‍,അത് ആയിരത്തി തൊള്ളായിരത്തി എണ്‍പത്തി നാലില്‍ വാങ്ങുംബോള് പുത്തനായിരുന്നു..പിന്നെ അരുണ്‍ ഗള്‍ഫിലേക്ക് പോവുമ്പോള്‍ ഇവളെ കൂട്ടുമല്ലേ..തീര്‍ച്ചയായും.ബോയിലര്‍ മസ്റ്റ് ബേ ടെസ്റ്റെഡ് ഫോര്‍ സേഫ്റ്റി ആന്‍ഡ്
ട്രയല്‍സ് ശുഡ് ബി കണ്ടക്ടെട് ബിഫോര്‍ ദി അക്ച്ചുവല്‍ ഓപ്പറേഷന്‍., അരുണേട്ടന്‍ വലിയ അഭിമാനിയാ അല്ലേ?കാശൊന്നും എടുക്കാതെ പോയില്ലേ..ആ കാശിന് നിന്‍റച്ചന് കപ്പലണ്ടി വാങ്ങി കൊടുക്ക്..അരുണേട്ടാ.. ഐ മിസ്സ് യു.. ദസ് വി കാന്‍ കങ്ക്ലുട് ദാറ്റ് ബോയിലെര്‍സ് മസ്റ്റ് ബി പ്രോപ്പര്‍ലി ഇന്‍സ്പെക്ടെട് ആന്‍ഡ് ചേക്കേട് അസ് ആന്‍ സ്മോള്‍ ഡാമേജ് കാന്‍ ലീഡ് ടു കടാസ്ട്രോഫെ.
പരീക്ഷ കഴിഞ്ഞിറങ്ങിയപ്പോള്‍ എന്താ ഒരു സുഖം?...
