പ്രേമിക്കാത്തവരായി ആരും തന്നെ കാണില്ല. ജീവിതത്തില്‍ എന്തിനെയെങ്കിലുമൊക്കെ പ്രേമിക്കുവാന്‍ വിധിക്കപ്പെടുന്നവരാണ് നമ്മള്‍ മനുഷ്യര്‍..,. അത് പെണ്ണിനെയാവാം എന്തെങ്കിലും വസ്തുവിനെയാവാം എന്തിന് കടലിനെ വരെ പ്രേമിക്കുന്നവരുണ്ട് നമുക്കിടയില്‍.. അങ്ങനെ തനിക്ക് ചുറ്റുമുള്ളവരെല്ലാം ഒന്നല്ലെങ്കില്‍ മറ്റൊന്നിനെ പ്രേമിക്കുന്നത് കണ്ടിട്ടാണ് അവനും പ്രേമിക്കണം എന്ന വിചാരധാരയിലെത്തിപ്പെടുന്നത്.
പ്രേമം കണ്ണിലാണ് തുടങ്ങുന്നത് എന്നാണ് പ്രേമത്തില്‍ ഡിഗ്രിയെടുത്ത പലരും പറഞ്ഞവന്‍ കേട്ടത്.പക്ഷേ അവന് കാണുന്ന കണ്ണുകളിലൊന്നിലും പ്രേമത്തെ കണ്ടില്ല.നെഞ്ചും വയറും നോക്കി പ്രേമിക്കുന്ന ഈ കാലത്ത് കണ്ണില്‍ പ്രേമത്തെ കണ്ടെത്താനാവില്ല എന്നവനറിയാതെ പോയിരിക്കാം.അങ്ങനെയാവസാനം വീടിനടുത്തുള്ള നമിത പ്രമോദിന്റെ ലുക്കുള്ള പെങ്കുട്ടിയെ പ്രേമിക്കാന്‍ അവന് തീരുമാനിച്ചുറച്ചു.അതവളുടെ കണ്ണു കണ്ടിട്ടായിരുന്നില്ല, അവളുടെ പേരിലുള്ള രണ്ടു നില മാളിക വീട് കണ്ടിട്ടായിരുന്നെന്ന് മാത്രം. പെണ്ണിന് നമിത പ്രമോദിന്റെ ലുക്കുണ്ടെങ്കിലും പ്രകാശ് രാജിന്റെ ലുക്കുള്ള അച്ഛനായിരുന്നു പ്രശ്നം. ചിരിക്കുമ്പോ കൊല്ലാനാണോ വളര്‍ത്താനാണോ എന്നൊരു എത്തും പിടിയും കിട്ടുന്നുണ്ടായിരുന്നില്ല അവന്.
കഴിഞ്ഞ ദിവസത്തെ മഴയത്ത് തേങ്ങ വീണു പൊട്ടിയ ഓട് മാറ്റിയ വിടവിലൂടെ അവന്റെ മുഖത്തേക്ക് സൂര്യരശ്മികള്‍ പതിച്ചു കൊണ്ടിരുന്നു. എന്തിനേയും ശുഭാപ്തി വിശ്വാസത്തോട് കൂടി കണ്ടിരുന്ന അവനത് തനിക്ക് ലഭിക്കാന്‍ പോകുന്ന മാളിക വീടിന്റെ പോര്‍ച്ചില്‍ കിടക്കുന്ന ബെന്‍സ് കാറിന്‍റെ സണ്‍ റൂഫില്‍ കൂടെ വരുന്ന വെളിച്ചമായി അതിനെ സങ്കല്‍പ്പിച്ചു കിടന്നു. അംഗനവാടിയില്‍ പടിക്കുമ്പോള്‍ അവള്‍കിത്ര സൌന്ദര്യം ഉണ്ടായിരുന്നിലെന്ന് അവനോര്‍ത്തു. അവളുടെ അച്ചന്റെ അങ്ങാടിയിലെ റബര്‍ ഷീറ്റ് കച്ചോടം പൊടി പൊടിച്ചത് വഴി അനര്‍ഗള നിര്‍ഗളം പ്രവഹിച്ച ഗാന്ധി തലകള്‍ കുമിഞ്ഞു കൂടിയതനുസരിച്ചാണ് അവളുടെ സൌന്ദര്യത്തിന്റെ ഗ്രാഫുയര്‍ന്നത് എന്നവന് ഉറപ്പിച്ചു. അല്ലെങ്കിലും പഠിക്കുന്ന കാലത്ത് കൂടെയിരിക്കുന്ന ചവറ് പെങ്കുട്ടികളൊക്കെ പടിത്തം വിട്ടു പുറത്തേക്കിറങ്ങിയാല്‍ പവറ് പെങ്കുട്ടികളായി മാറി പോകുന്നത് നിശബ്ദരായി കണ്ടു നില്ക്കാന്‍ വിധിക്കപ്പെട്ടവരില്‍ ഒരാളാണ് ഞാനൊക്കെ എന്നവന് തോന്നി.
അവള്‍ അംഗനവാടിയിലെ കഞ്ഞിയും പയറിലും നിന്നു ഇപ്പോളത്തെ ബട്ടര്‍ നാനിലേക്കും സി.ഡി.എഫിലെക്കും എത്താനെടുത്ത ഇരുപത്തി രണ്ടു കൊല്ലത്തിനിടയ്ക്ക് ഞാനെവിടെയെത്തി എന്നൊരു ആത്മപരിശോധനയ്ക്കവന്‍ തയ്യാറായി.ഇരുപത്തി രണ്ടു വര്‍ഷവും അവന് കഞ്ഞിയിലും പയറിലും തട്ടി തടഞ്ഞു നില്‍ക്കുകയാണെന്ന് അവന് മനസിലായി. ഒരേ പ്രായമായിരുന്നിട്ടും ജെനെറേഷന്‍ ഗ്യാപ്പിന്റെ ചൂടവന് അനുഭവപ്പെട്ടു തുടങ്ങിയിരുന്നു.
ആ ഇരുനില മാളിക വീട് അവന്റെ സ്വപ്നങ്ങളിലെ സ്ഥിരം സന്ദര്‍ശകയായി മാറിയിട്ടു കാലം കുറച്ചെറെയായിരുന്നു. താന്‍ ആ വീടിനെ പ്രേമിക്കുകയാണെന്ന് മനസിലാക്കിയത് ഇപ്പോളാണെന്ന് മാത്രം. വീടിന്റെ ഇലവേഷന്‍ ഇത്ര ഭംഗിയുള്ളതാണെങ്കില്‍ അതിന്റെ ഇന്‍റ്റീരിയര്‍ എത്ര മാത്രം ആകര്‍ഷകമാവും എന്നവനാലോചിക്കാത്ത ദിവസങ്ങളില്ല. വീട് സ്വന്തമാക്കാനുള്ള ഒരു കുറുക്കു വഴി മാത്രമായിരുന്നു അവന് നമിത പ്രമോദിന്റെ ലുക്കുള്ള പെണ്ണ്. കാശ് മുടക്കി വാങ്ങാനുള്ള പാങ്ങ് അവനൊരിക്കലുമുണ്ടായിരുന്നില്ല. ഇനി ഉണ്ടാവും എന്ന വിശ്വാസവും അവനുണ്ടായിരുന്നില്ല.
അവന്റെ ആരാധനാപത്രമോരിക്കലും അവളോ, അവളുടെ വീട്ടുകാരോ അതോ കൂട്ടില്‍ കിടക്കുന്ന ഡാല്‍മേഷ്യനോ ആയിരുന്നില്ല. ജീവനില്ലാത്തതെങ്കിലും ആ വീടായിരുന്നു അവനെല്ലാം. എന്തു കൊണ്ട് വീട് എന്നാരും അവനോടു ചോദിക്കരുത്. ജീവിതം അങ്ങനെയാണ്. ചില ഇഷ്ടങ്ങള്‍ക്ക് കാരണങ്ങള്‍ ഉണ്ടാവില്ല . ആ കാരണമില്ലായ്മയാണ് ആ ഇഷ്ടങ്ങളെ എന്നും ഇഷ്ടങ്ങളായി നിലനിര്‍ത്തുന്നത്.
നമിത പ്രമോദിന്റെ ലുക്കുള്ള പെണ്ണിലൂടെ ആ വീടിനെ പ്രേമിക്കുന്ന അവന് പാരയായി ആ വീടിലൂടെ അവളെ പ്രേമിക്കുന്ന ഒരൂ ഫ്രീക്ക് പയ്യനുണ്ടെന്ന് അവന് വളരെ വൈകിയാണറിഞ്ഞത്. വീട് പെയിന്‍റടിക്കാന്‍ വന്ന ചെക്കനായിരുന്നു ആ ഫ്രീക്ക്.പെയിന്‍റടിക്കുന്നത് വീടിനാണെങ്കിലും അവന് പ്പുട്ടിയിടുന്നത് മുഴുവന്‍ അവളുടെ കണ്ണിലാണെന്ന് കൂടെ ജോലി ചെയ്തവര്‍ പറഞ്ഞവനറിഞ്ഞു. താന്‍ കാണാത്ത പ്രേമം അവളുടെ കണ്ണില്‍ കണ്ടെത്തിയ ഫ്രീകിനോടവന് ദേഷ്യം തോന്നി.ഇതിനെകുറിച്ചു ചോദിച്ചപ്പോള്‍ ഫ്രീക്ക് നല്കിയ മറുപടി അവനോരെ സമയം ആശ്വാസവും ആശങ്കയും സമ്മാനിച്ചു .
"മുലകുടി മാറാത്ത ചെക്കന്‍മാരുടെ കല്യാണം വരെ നടക്കുന്നു, ഒരു എം.എച്ച് ബോട്ടില്‍ മുഴുവന്‍ ഡ്രൈ അടിക്കുന്ന ഞാന്‍ ഇവിടെ വെറുതെ ഇരിപ്പും.. ഇനിയത് പറ്റില്ല. ഇനിക്ക് ഓളെ വേണം. ഞാന്‍ ചാടിക്കും നോക്കിക്കോ."
വീടല്ല ലക്ഷ്യം എന്നതായിരുന്നു ആശ്വാസം. അവള്‍ അവന്റെ കൂടെ പോയാല്‍ വീടും കൂടെ പോവുമോ എന്നുള്ളത് ആശങ്കയും. കാര്യം അവന്റെ മുന്നിലാവതരിച്ചപ്പോള്‍ സത്യരാജ് ചില തമിഴ് പടങ്ങളില്‍ ചിരിക്കുമ്പോലെ ചിരിച്ചു കൊണ്ടവന്‍ പറഞ്ഞു:
"പേടിക്കണ്ട.. ഞാനവളെയാണ് സ്നേഹിക്കുന്നതു.. വീടിനെയല്ല"
"ഞാന്‍ വീടിനെയാണ് സ്നേഹിക്കുന്നതു...അവളെയല്ല" എന്നെനിക്കു പറയണമെന്നുണ്ടായിരുന്നു.
ഫ്രീക്ക് പറഞ്ഞത് അവളുടെ ഹീറോ അവിയല്‍ ബാന്‍റിലെ "സെക്സ് വിജയന്‍ " ആണെന്നാണ്.സെക്സ് വിജയനല്ല റെക്സ് വിജയനാണെന്ന് ഫ്രീക്കിനോട് പറഞ്ഞപ്പോള്‍ അവന്റെ മുഖത്ത് ഹാലോജെന്‍ ബള്‍ബ് കത്തിയ പ്രതീതി.
തെലുങ്ക് നടന്‍ പ്രഭാസിന്റെ സൌന്ദര്യമോ ലാലേട്ടന്റെ പൌരുഷമോ ചേതന്‍ ഭാഗത്തിന്റെ എഴുതാനുള്ള കഴിവോ ഗായകന്‍ വിജയ് യേശുദാസിന്റെ ശബ്ദമോ ഒന്നും തനിക്കില്ല എന്നു മനസിലാകുന്നിടത്തായിരുന്നു അവന്റെ ഓരോ ദിവസവും തുടങ്ങിയിരുന്നത്. അവളുടെ പിറകെ നടക്കാനോ ഇനി നടന്നാ തന്നെ അവള്‍ സ്നേഹിച്ചാല്‍ തുളഞ്ഞു പോകുന്നത് അവന്റെ മനസ്സോ ഹൃദയമോ മാത്രമായിരുന്നില്ല, അഞ്ഞൂറിന്റെ മേലോട്ടുള്ള നോട്ടുകള്‍ കണ്ടിട്ടില്ലാത്ത അവന്റെ കീശ കൂടെയായിരുന്നു.
കാലം കടന്നു പോയി. അവള്‍ ഫ്രീക്കിന്റെ ബൈക്കില്‍ ചെത്തുന്ന സീന്‍ കണ്ടു തുടങ്ങി. വീടിന്റെ പെയിന്‍റെ മങ്ങുന്ന വിഷമത്തില്‍ ലയിച്ചിരിക്കുകയായിരുന്ന അവനിതൊന്നും ശ്രദ്ധിച്ചില്ല. വര്‍ഷാവര്‍ഷം പെയിന്‍റടിക്കുന്ന വീടിനെ ഇത്തവണ പുതിയ പെയിന്‍റ് അടിപ്പിക്കാത്തതില്‍ അവനമര്‍ഷം തോന്നി. ഓണത്തിന് കോടി വാങ്ങികൊടുക്കാത്തതിനാല്‍ പിണങ്ങിയിരിക്കുന്ന കൊച്ചു കുട്ടികളെ പോലെ..
പിന്നീട് അവനറിഞ്ഞു അവളുടെ അച്ചന്റെ ബിസിനെസ്സ് തകര്‍ന്നെന്നും അവരാ വീട് വിറ്റു പോകുകയാണെന്നും. ഫ്രീക്ക് അവളെ ബൈക്കില്‍ കയറ്റി ചെത്തുന്നത് നിര്‍ത്തിയിരുന്നു.അങ്ങനെയാ ദിവസം വന്നെത്തി.വീടോഴിഞ്ഞു പോകുന്ന ദിവസം കൂടും കുടുക്കയുമൊക്കെയെടുത്ത് കാറില്‍ മടങ്ങുംബോള് ഫ്രീക്കവനോട് മന്ത്രിച്ചു :
"ഞാനാ പെണ്ണിനെയല്ല അവളുടെ വീടിനെയാ സ്നേഹിച്ചത് ". ഇത് കേട്ടവന്‍ അറിയാതെ പറഞ്ഞു പോയി :
"ഞാന്‍ തിരിച്ചും"
ചില ഇഷ്ടങ്ങള്‍ അങ്ങനെയാണ്. തുടങ്ങിയിടത്താവസാനിക്കണമെന്നില്ല ..
പ്രേമം കണ്ണിലാണ് തുടങ്ങുന്നത് എന്നാണ് പ്രേമത്തില്‍ ഡിഗ്രിയെടുത്ത പലരും പറഞ്ഞവന്‍ കേട്ടത്.പക്ഷേ അവന് കാണുന്ന കണ്ണുകളിലൊന്നിലും പ്രേമത്തെ കണ്ടില്ല.നെഞ്ചും വയറും നോക്കി പ്രേമിക്കുന്ന ഈ കാലത്ത് കണ്ണില്‍ പ്രേമത്തെ കണ്ടെത്താനാവില്ല എന്നവനറിയാതെ പോയിരിക്കാം.അങ്ങനെയാവസാനം വീടിനടുത്തുള്ള നമിത പ്രമോദിന്റെ ലുക്കുള്ള പെങ്കുട്ടിയെ പ്രേമിക്കാന്‍ അവന് തീരുമാനിച്ചുറച്ചു.അതവളുടെ കണ്ണു കണ്ടിട്ടായിരുന്നില്ല, അവളുടെ പേരിലുള്ള രണ്ടു നില മാളിക വീട് കണ്ടിട്ടായിരുന്നെന്ന് മാത്രം. പെണ്ണിന് നമിത പ്രമോദിന്റെ ലുക്കുണ്ടെങ്കിലും പ്രകാശ് രാജിന്റെ ലുക്കുള്ള അച്ഛനായിരുന്നു പ്രശ്നം. ചിരിക്കുമ്പോ കൊല്ലാനാണോ വളര്‍ത്താനാണോ എന്നൊരു എത്തും പിടിയും കിട്ടുന്നുണ്ടായിരുന്നില്ല അവന്.
കഴിഞ്ഞ ദിവസത്തെ മഴയത്ത് തേങ്ങ വീണു പൊട്ടിയ ഓട് മാറ്റിയ വിടവിലൂടെ അവന്റെ മുഖത്തേക്ക് സൂര്യരശ്മികള്‍ പതിച്ചു കൊണ്ടിരുന്നു. എന്തിനേയും ശുഭാപ്തി വിശ്വാസത്തോട് കൂടി കണ്ടിരുന്ന അവനത് തനിക്ക് ലഭിക്കാന്‍ പോകുന്ന മാളിക വീടിന്റെ പോര്‍ച്ചില്‍ കിടക്കുന്ന ബെന്‍സ് കാറിന്‍റെ സണ്‍ റൂഫില്‍ കൂടെ വരുന്ന വെളിച്ചമായി അതിനെ സങ്കല്‍പ്പിച്ചു കിടന്നു. അംഗനവാടിയില്‍ പടിക്കുമ്പോള്‍ അവള്‍കിത്ര സൌന്ദര്യം ഉണ്ടായിരുന്നിലെന്ന് അവനോര്‍ത്തു. അവളുടെ അച്ചന്റെ അങ്ങാടിയിലെ റബര്‍ ഷീറ്റ് കച്ചോടം പൊടി പൊടിച്ചത് വഴി അനര്‍ഗള നിര്‍ഗളം പ്രവഹിച്ച ഗാന്ധി തലകള്‍ കുമിഞ്ഞു കൂടിയതനുസരിച്ചാണ് അവളുടെ സൌന്ദര്യത്തിന്റെ ഗ്രാഫുയര്‍ന്നത് എന്നവന് ഉറപ്പിച്ചു. അല്ലെങ്കിലും പഠിക്കുന്ന കാലത്ത് കൂടെയിരിക്കുന്ന ചവറ് പെങ്കുട്ടികളൊക്കെ പടിത്തം വിട്ടു പുറത്തേക്കിറങ്ങിയാല്‍ പവറ് പെങ്കുട്ടികളായി മാറി പോകുന്നത് നിശബ്ദരായി കണ്ടു നില്ക്കാന്‍ വിധിക്കപ്പെട്ടവരില്‍ ഒരാളാണ് ഞാനൊക്കെ എന്നവന് തോന്നി.
അവള്‍ അംഗനവാടിയിലെ കഞ്ഞിയും പയറിലും നിന്നു ഇപ്പോളത്തെ ബട്ടര്‍ നാനിലേക്കും സി.ഡി.എഫിലെക്കും എത്താനെടുത്ത ഇരുപത്തി രണ്ടു കൊല്ലത്തിനിടയ്ക്ക് ഞാനെവിടെയെത്തി എന്നൊരു ആത്മപരിശോധനയ്ക്കവന്‍ തയ്യാറായി.ഇരുപത്തി രണ്ടു വര്‍ഷവും അവന് കഞ്ഞിയിലും പയറിലും തട്ടി തടഞ്ഞു നില്‍ക്കുകയാണെന്ന് അവന് മനസിലായി. ഒരേ പ്രായമായിരുന്നിട്ടും ജെനെറേഷന്‍ ഗ്യാപ്പിന്റെ ചൂടവന് അനുഭവപ്പെട്ടു തുടങ്ങിയിരുന്നു.
ആ ഇരുനില മാളിക വീട് അവന്റെ സ്വപ്നങ്ങളിലെ സ്ഥിരം സന്ദര്‍ശകയായി മാറിയിട്ടു കാലം കുറച്ചെറെയായിരുന്നു. താന്‍ ആ വീടിനെ പ്രേമിക്കുകയാണെന്ന് മനസിലാക്കിയത് ഇപ്പോളാണെന്ന് മാത്രം. വീടിന്റെ ഇലവേഷന്‍ ഇത്ര ഭംഗിയുള്ളതാണെങ്കില്‍ അതിന്റെ ഇന്‍റ്റീരിയര്‍ എത്ര മാത്രം ആകര്‍ഷകമാവും എന്നവനാലോചിക്കാത്ത ദിവസങ്ങളില്ല. വീട് സ്വന്തമാക്കാനുള്ള ഒരു കുറുക്കു വഴി മാത്രമായിരുന്നു അവന് നമിത പ്രമോദിന്റെ ലുക്കുള്ള പെണ്ണ്. കാശ് മുടക്കി വാങ്ങാനുള്ള പാങ്ങ് അവനൊരിക്കലുമുണ്ടായിരുന്നില്ല. ഇനി ഉണ്ടാവും എന്ന വിശ്വാസവും അവനുണ്ടായിരുന്നില്ല.
അവന്റെ ആരാധനാപത്രമോരിക്കലും അവളോ, അവളുടെ വീട്ടുകാരോ അതോ കൂട്ടില്‍ കിടക്കുന്ന ഡാല്‍മേഷ്യനോ ആയിരുന്നില്ല. ജീവനില്ലാത്തതെങ്കിലും ആ വീടായിരുന്നു അവനെല്ലാം. എന്തു കൊണ്ട് വീട് എന്നാരും അവനോടു ചോദിക്കരുത്. ജീവിതം അങ്ങനെയാണ്. ചില ഇഷ്ടങ്ങള്‍ക്ക് കാരണങ്ങള്‍ ഉണ്ടാവില്ല . ആ കാരണമില്ലായ്മയാണ് ആ ഇഷ്ടങ്ങളെ എന്നും ഇഷ്ടങ്ങളായി നിലനിര്‍ത്തുന്നത്.
നമിത പ്രമോദിന്റെ ലുക്കുള്ള പെണ്ണിലൂടെ ആ വീടിനെ പ്രേമിക്കുന്ന അവന് പാരയായി ആ വീടിലൂടെ അവളെ പ്രേമിക്കുന്ന ഒരൂ ഫ്രീക്ക് പയ്യനുണ്ടെന്ന് അവന് വളരെ വൈകിയാണറിഞ്ഞത്. വീട് പെയിന്‍റടിക്കാന്‍ വന്ന ചെക്കനായിരുന്നു ആ ഫ്രീക്ക്.പെയിന്‍റടിക്കുന്നത് വീടിനാണെങ്കിലും അവന് പ്പുട്ടിയിടുന്നത് മുഴുവന്‍ അവളുടെ കണ്ണിലാണെന്ന് കൂടെ ജോലി ചെയ്തവര്‍ പറഞ്ഞവനറിഞ്ഞു. താന്‍ കാണാത്ത പ്രേമം അവളുടെ കണ്ണില്‍ കണ്ടെത്തിയ ഫ്രീകിനോടവന് ദേഷ്യം തോന്നി.ഇതിനെകുറിച്ചു ചോദിച്ചപ്പോള്‍ ഫ്രീക്ക് നല്കിയ മറുപടി അവനോരെ സമയം ആശ്വാസവും ആശങ്കയും സമ്മാനിച്ചു .
"മുലകുടി മാറാത്ത ചെക്കന്‍മാരുടെ കല്യാണം വരെ നടക്കുന്നു, ഒരു എം.എച്ച് ബോട്ടില്‍ മുഴുവന്‍ ഡ്രൈ അടിക്കുന്ന ഞാന്‍ ഇവിടെ വെറുതെ ഇരിപ്പും.. ഇനിയത് പറ്റില്ല. ഇനിക്ക് ഓളെ വേണം. ഞാന്‍ ചാടിക്കും നോക്കിക്കോ."
വീടല്ല ലക്ഷ്യം എന്നതായിരുന്നു ആശ്വാസം. അവള്‍ അവന്റെ കൂടെ പോയാല്‍ വീടും കൂടെ പോവുമോ എന്നുള്ളത് ആശങ്കയും. കാര്യം അവന്റെ മുന്നിലാവതരിച്ചപ്പോള്‍ സത്യരാജ് ചില തമിഴ് പടങ്ങളില്‍ ചിരിക്കുമ്പോലെ ചിരിച്ചു കൊണ്ടവന്‍ പറഞ്ഞു:
"പേടിക്കണ്ട.. ഞാനവളെയാണ് സ്നേഹിക്കുന്നതു.. വീടിനെയല്ല"
"ഞാന്‍ വീടിനെയാണ് സ്നേഹിക്കുന്നതു...അവളെയല്ല" എന്നെനിക്കു പറയണമെന്നുണ്ടായിരുന്നു.
ഫ്രീക്ക് പറഞ്ഞത് അവളുടെ ഹീറോ അവിയല്‍ ബാന്‍റിലെ "സെക്സ് വിജയന്‍ " ആണെന്നാണ്.സെക്സ് വിജയനല്ല റെക്സ് വിജയനാണെന്ന് ഫ്രീക്കിനോട് പറഞ്ഞപ്പോള്‍ അവന്റെ മുഖത്ത് ഹാലോജെന്‍ ബള്‍ബ് കത്തിയ പ്രതീതി.
തെലുങ്ക് നടന്‍ പ്രഭാസിന്റെ സൌന്ദര്യമോ ലാലേട്ടന്റെ പൌരുഷമോ ചേതന്‍ ഭാഗത്തിന്റെ എഴുതാനുള്ള കഴിവോ ഗായകന്‍ വിജയ് യേശുദാസിന്റെ ശബ്ദമോ ഒന്നും തനിക്കില്ല എന്നു മനസിലാകുന്നിടത്തായിരുന്നു അവന്റെ ഓരോ ദിവസവും തുടങ്ങിയിരുന്നത്. അവളുടെ പിറകെ നടക്കാനോ ഇനി നടന്നാ തന്നെ അവള്‍ സ്നേഹിച്ചാല്‍ തുളഞ്ഞു പോകുന്നത് അവന്റെ മനസ്സോ ഹൃദയമോ മാത്രമായിരുന്നില്ല, അഞ്ഞൂറിന്റെ മേലോട്ടുള്ള നോട്ടുകള്‍ കണ്ടിട്ടില്ലാത്ത അവന്റെ കീശ കൂടെയായിരുന്നു.
കാലം കടന്നു പോയി. അവള്‍ ഫ്രീക്കിന്റെ ബൈക്കില്‍ ചെത്തുന്ന സീന്‍ കണ്ടു തുടങ്ങി. വീടിന്റെ പെയിന്‍റെ മങ്ങുന്ന വിഷമത്തില്‍ ലയിച്ചിരിക്കുകയായിരുന്ന അവനിതൊന്നും ശ്രദ്ധിച്ചില്ല. വര്‍ഷാവര്‍ഷം പെയിന്‍റടിക്കുന്ന വീടിനെ ഇത്തവണ പുതിയ പെയിന്‍റ് അടിപ്പിക്കാത്തതില്‍ അവനമര്‍ഷം തോന്നി. ഓണത്തിന് കോടി വാങ്ങികൊടുക്കാത്തതിനാല്‍ പിണങ്ങിയിരിക്കുന്ന കൊച്ചു കുട്ടികളെ പോലെ..
പിന്നീട് അവനറിഞ്ഞു അവളുടെ അച്ചന്റെ ബിസിനെസ്സ് തകര്‍ന്നെന്നും അവരാ വീട് വിറ്റു പോകുകയാണെന്നും. ഫ്രീക്ക് അവളെ ബൈക്കില്‍ കയറ്റി ചെത്തുന്നത് നിര്‍ത്തിയിരുന്നു.അങ്ങനെയാ ദിവസം വന്നെത്തി.വീടോഴിഞ്ഞു പോകുന്ന ദിവസം കൂടും കുടുക്കയുമൊക്കെയെടുത്ത് കാറില്‍ മടങ്ങുംബോള് ഫ്രീക്കവനോട് മന്ത്രിച്ചു :
"ഞാനാ പെണ്ണിനെയല്ല അവളുടെ വീടിനെയാ സ്നേഹിച്ചത് ". ഇത് കേട്ടവന്‍ അറിയാതെ പറഞ്ഞു പോയി :
"ഞാന്‍ തിരിച്ചും"
ചില ഇഷ്ടങ്ങള്‍ അങ്ങനെയാണ്. തുടങ്ങിയിടത്താവസാനിക്കണമെന്നില്ല ..
